Temas: FERNáN VELLO ALEXANDRA FERNáNDEZ PGE EN MAREA GOBERNO CENTRAL BEIRAS

Beiras alerta de que a caída dos orzamentos de Pedro Sánchez "abre a porta" á extrema dereita

O histórico nacionalista lanza mensaxes en Twitter contra a única deputada de En Marea que votou en contra das contas.

Por Europa Press / Redacción | SANTIAGO DE COMPOSTELA | 14/02/2019 | Actualizada ás 19:08

O histórico dirixente nacionalista e cofundador de Anova, Xosé Manuel Beiras, saíu en defensa do seu compañeiro de partido e parlamentario de En Marea, Miguel Anxo Fernán-Vello, un dos deputados que desatenderon as directrices da dirección do partido instrumental e apoiaron a tramitación dos orzamentos, finalmente rexeitados polo Congreso.

Nunha mensaxe na súa conta de Twitter, Beiras sinala que o seu compañeiro de partido e parlamentario de En Marea no Congreso, Miguel Anxo Fernán-Vello, "votou coa mente limpa e co corazón onde debe estar: abaixo e á esquerda: contra Atila!".

"Con Atila a piques de volver aniquilar as nosas liberdades cívicas, sociais e nacionais a 'afronta a Galicia' non é abrirlle as portas ao monstro, senón un diñeiro a faltar nos orzamentos españois. Popularmente chámase a iso 'confundir o cu coas témporas'", publicou Beiras.

O chío do histórico político foi respondido minutos despois pola parlamentaria Alexandra Fernández, integrada no sector crítico coa dirección de Anova e a única representante de En Marea no Congreso que votou en contra das contas.

"Se a posición era votar os orzamentos a calquera prezo, o honesto sería dicilo desde un inicio e non enganar á xente. O incomprensible é que se obvie que estes orzamentos caen porque o PSOE decidiu seguir a axenda da extrema dereita negándose a negociar co bloque progresista", publicou Fernández.

Temas: FERNáN VELLO ALEXANDRA FERNáNDEZ PGE EN MAREA GOBERNO CENTRAL BEIRAS

6 Xl xoan

Beirás, cada día eres máis españolista!

5 enxoito

Votei En Marea no 2015 e no 2016. A Beiras voteino sempre, fose con quen fose. A miña admiración por el foi sempre enorme. Pero nin sequera el pode explicar o inexplicable. Nin Villares nin Alexandra botaron abaixo este goberno. Se votar contra estes orzamentos equival a abrirlle as portas a Atila, daquela quen llas abriu foron ERC e PdCAT. Pero contra eles non se di nada. Os cataláns si poden votar contra os orzamentos, si poden negociar directamente cun goberno, e se non lles dan o que piden poden abrirlle a porta das Cortes a Vox. Iso non é "confundir o cú coas témporas", seica. En fin.

1 galinauta

Abraiante a xente que vota por unha persoa. E que fas cando esa persoa morre ou troca de ideas? ... Eu voto por unhas ideas, e non as troco por acadar máis ou menos votos, se tcambio de ideas e logo dunha reflexión e dun convencemento persoal. E no referente a Beiras, cando o BNG foi o que foi o foi por mor do traballo de moitísima xente, non só por Beiras...

2 enxoito

Sinto ter que clarexar isto, porque me parece evidente, pero bueno: está claro que cando un "vota por unha persoa" non só vota por esa persoa, senón polas ideas que esta encarna ou defende. Se seguín sempre a Beiras foi porque para min (e creo que non son eu o único en pensalo) era o máximo referente político do nacionalismo galego. En canto ao BNG, galinauta, ignoro cal é a túa idade, pero igual coñecín máis desa xente que traballou polo partido da que ti pensas, empezando por Moncho Valcarce nos tempos do BN-PG. Sabes ti quen foi?

4 Alpinista

O Beiras aínda acredita que o PdoE é demócrata e de esquerda? Arredemo! Que llelo conte aos cataláns presos e no exilio! Ao Beiras igual lle convence o argumentario que desde as embaixadas do Reino de España reparten (inspirado por Irene Lozano, a camarada de UPyD e da imposición dos idiomas rexionais)! Ao Beiras seguro que lle mete medo o trifachito español mentres esquece o Guaido que apoia Pedro Sánchez para Venezuela! Ao Beiras os dereitos dos traballadores ou a lei mordaza, o 135 e o 155, non lle parecen preocupantes!

3 Gustavo

Na cuestión dos orzamentos hai tres cuestións: -A merma de cartos a Galicia, que ven básicamente dos menos cartos para as obras do AVE, xa que están acabando. Chegaron a supor ata a metade do investimento "en Galicia" (ou nas empresas que o construen, máis ben). -Os orzamentos incluian unha serie de melloras sociais, beneficiosas en xeral para a xente de a pé, galegos/as incluidos, ou máis incluidos dada a precariedade social que temos. -O significado de votar (que se tramitaran, non a sua aprobación) a prol do mal menor ou aliñarse con curiosos aliados. A todo esto, o xesto da Alexandra queda moi ben...para ela. Sempre que o fagas ti soa e podas presumir de telo feito fronte a outros.

1 enxoito

Que os orzamentos eran inadmisibles para Galicia dixerono todos, non só Alexandra. Quen ten que explicarse é quen non foi coherente, e non Alexandra. E cal é a vantaxe que saca Alexandra de todo isto? Digo eu que se ela saca vantaxe por opoñerse, máis vantaxe sacarán os que cumpriron o mandato dos seus respectivos aparatos partidarios, únicos aos que, segundo Eva Solla, deben obediencia.