Por Galicia Confidencial | A Coruña | 20/02/2019 | Actualizada ás 10:24
Os Bombeiros da Coruña foron mobilizados na noite deste martes debido a un incendio nun barco que calcinou por completo unha máquina que removía mercadoría almacenada no interior da adega.
Segundo informou o 112 Galicia, sobre as 22,00 horas deste martes persoal do Porto da Coruña solicitou ao servizo de emerxencias a colaboración dos Bombeiros para extinguir un lume, provocado por unha máquina no interior da adega dun barco, no Peirao do Centenario Norte.
O alertante asegurou que non había persoas afectadas. Até o lugar, tras ser alertados polo 112 Galicia acudiron os Bombeiros da cidade. Tamén, Salvamento Marítimo, o Servizo de Gardacostas de Galicia e os axentes da Policía Nacional e Local foron informados da situación.
Unha vez extinguido o lume, persoal do peirao confirmou que ardera na súa totalidade a pa escavadora que removía, neses instantes, mercadoría no interior da adega.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.