Segue a primavera adiantada en Galicia

O ceo seguirá pouco anubrado e as temperaturas serán altas para esta época do ano.

Por Galicia Confidencial | Compostela | 26/02/2019 | Actualizada ás 09:29

Comparte esta noticia

As altas presións do norte de Europa continuarán impedindo durante este martes o achegamento das borrascas atlánticas, polo que de novo a estabilidade será predominante. Así, o ceo estará en xeral pouco anubrado ou despexado, con entrada de nubes altas pola tarde.

Segundo a información publicada por Meteogalicia, dependente da Consellería de Medio Ambiente, o vento soprará frouxo do sur. Pola súa banda, as temperaturas non experimentarán cambios moi significativos, polo que continuarán con valores elevados para a época do ano.

Deste xeito, nas cidades galegas as temperaturas máximas subirán até os 25 graos en Ourense, mentres que os valores mínimos descenderán até os dous graos en Lugo.

Bo tempo, clima, altas temperaturas, temperatura, primavera, primaveral. EUROPA PRESS - Arquivo
Bo tempo, clima, altas temperaturas, temperatura, primavera, primaveral. EUROPA PRESS - Arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta