Por Europa Press / Redacción | SANTIAGO DE COMPOSTELA | 26/02/2019 | Actualizada ás 12:35
"Cortar co sexismo" nos disfraces infantís de Entroido. Ese é o obxectivo da nova campaña do Concello de Lugo, coa que dá continuidade a esoutras iniciativas semellantes xa impulsadas no Arde Lucus ou no San Froilán.
Dende o organismo local, consideran que o sexismo segue manifestándose co xénero dos disfraces. Por iso, baixo o lema 'Desenmascara o machismo', búscase ensinar a vivir o Entroido libre de roles e estereotipos sexistas. A modo de exemplo, citan os disfraces de bombeiro, astronautas e médicos, "pensados para os nenos" e censura que as nenas protagonicen os de enfermeira ou animadora.
Por iso, a campaña centrarase, principalmente, na responsabilidade á hora de comprar o disfrace e inclúe algunhas cuestións a ter en conta no momento da súa selección, como o feito de rexeitar aqueles que supoñan unha hipersexualización.
Ademais, recomenda que o ideal é que estes poidan ser utilizados indistintamente polas nenas e nenos, que desenvolvan a imaxinación e que favorezan a creatividade, entre outras cuestións.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.