Pachi Vázquez presentará este xoves en Ourense o seu novo proxecto para as municipais

O que foi secretario xeral do PSdeG entre 2009 e 2013, Manuel 'Pachi' Vázquez, presentará este xoves en Ourense o seu novo partido político de cara ás próximas eleccións municipais do 26 de maio.

En concreto, o que tamén foi conselleiro de Medio Ambiente de Emilio Pérez Touriño ofrecerá unha rolda de prensa nun hotel da cidade, no que debullará os detalles deste novo proxecto.

Nesta iniciativa previsiblemente incorporaranse exmilitantes socialistas que deixaron os seus cargos nas respectivas asembleas locais de Piñor, Maceda e O Carballiño tras diferenzas coa dirección provincial do PSdeG.

Conversa amigable entre Feijóo e Pachi Vázquez | Fonte: CRTVG