Por E.P. | VIGO | 28/02/2019 | Actualizada ás 20:14
A sección quinta da Audiencia Provincial de Pontevedra, con sede en Vigo, ditou sentenza absolutoria con respecto a tres porteiros dunha discoteca da cidade olívica, que foron xulgados por unha suposta agresión a unha parella.
Os feitos remóntanse á madrugada do 2 de marzo de 2014 cando, á entrada dunha discoteca na rúa Uruguai de Vigo, produciuse un altercado entre unha parella e os porteiros do establecemento, que non lles permitiron a entrada.
A acusación sostiña que un dos membros da parella foi atacado polos porteiros, e acabou cunha rotura dos ósos do nariz.
Se embargo, tras valorar as declaracións, o tribunal considera que non se acreditou a autoría das lesións por parte de ningún dos acusados. A ese respecto, na sentenza, os maxistrados poñen de manifesto as contradicións do prexudicado, e as "distintas versións" que achegou ao longo da causa.
Así, aínda que consideran probado que o denunciante recibiu un golpe na cara, entenden que foi no transcurso dun enfrontamento cunha terceira persoa, que se atopaba na cola para entrar na discoteca, e non un ataque dos acusados.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.