CxG acusa a BNG e En Marea de "deslealdad cara a Galicia" por rexeitar unha coalición para as xerais
"A xente pide solucións para o país, non solucións para a casa de cadaquen, neste momento de forte tensión territorial no Estado", indica
Por Europa Press / Redacción | SANTIAGO DE COMPOSTELA | 01/03/2019 | Actualizada ás 13:55
Compromiso por Galicia (CxG) tachou de "deslealdade cara a Galicia" que as direccións de BNG e En Marea rexeitasen sentar a negociar coa formación galeguista para a creación dunha coalición electoral de cara ás xerais do próximo 28 de abril.
Nun comunicado, o secretario xeral de Compromiso, Juan Carlos Piñeiro Docampo, censura que o Bloque e o partido instrumental non respondesen á súa invitación a crear unha coalición galega para as xerais.
"A xente pide solucións para o país, non solucións para a casa de cadaquen, neste momento de forte tensión territorial no Estado é peor instante para non ter un feito unha coalición electoral para que poña Galicia por diante", afirma Piñeiro.
Así, CxG asegura que a súa proposta "eran pensada exclusivamente no desexo de que Galicia contase na política do estado, con peso político propio", polo que censura que "os mesmos partidos (BNG e En Marea) que falan continuamente da necesidade de diálogo no estado" non o fagan "aquí, na casa".
"As imposturas e a soberbia son unhas das cousas que máis afasta á xente da política actual e aumenta a desafección da cidadanía cara á política en xeral e os partidos en particular", remarca a formación galeguista.
