Eva Solla asegura que non recibiu queixas de emigrantes retornados pola súa viaxe a Venezuela
A deputada de En Marea e coordinadora nacional de Esquerda Unida participou na Asemblea Internacional dos Pobos.
Por Europa Press / Redacción | SANTIAGO DE COMPOSTELA | 04/03/2019 | Actualizada ás 20:14
A deputada de En Marea e coordinadora nacional de Esquerda Unida, Eva Solla, asegurou que non recibiu "queixas" por parte dos colectivos de emigrantes galegos retornados pola súa viaxe a Venezuela, onde a vicepresidenta segunda do Parlamento de Galicia participou na Asemblea Internacional dos Pobos.
Cuestionada sobre a súa visita ao país latinoamericano, Solla afirmou que a súa viaxe foi "moi produtiva" e que a cita, na que participaron representantes de organizacións e colectivos de 85 países, serviu para "protestar contra os ataques do imperialismo".
Neste sentido, a parlamentaria censurou o "bloqueo económico" a Venezuela por parte de Estados Unidos e afirma que ese "afogamento" ao país "tamén impide" que os emigrantes galegos retornados "podan percibir as prestacións de forma correcta".
