A Xunta axudas de 175 a 225 euros mensuais a todas as vítimas de violencia de xénero para aluguer de vivenda

A Xunta dará entre 175 e 225 euros mensuais a todas as vítimas de violencia de xénero para aluguer de vivenda. A primeira das contías correspóndese co rural, mentres que o segundo é para o sete cidades e ao resto de vilas tócanlle 200 euros.

Ata agora, o acceso a esta axuda, compatible coas subvencións periódicas que convoca a Administración autonómica para vítimas de violencia de xénero, estaba condicionado a que a muller pasase por un centro de acollida. Houbo 80 beneficiarias desde 2016.

O acordo, asinado este mércores polo vicepresidente da Xunta, Alfonso Rueda, e a conselleira de Medio Ambiente, Anxos Vázquez, dá desenvolvemento ao pacto de estado contra a violencia de xénero. O director do Instituto Galego de Vivenda e Solo, Heriberto García, comprometeu a simplificación ao "máximo" da tramitación das axudas e a axilización da súa resolución.

As solicitudes, segundo dixo, analízanse "dunha semana para outra" e logo o ente público dáse un prazo de dous meses para localizar a vivenda e asinar o contrato de aluguer. Ademais, o bono incorpora unha axuda inicial de 600 euros para os gastos de alta en subministracións e demais.

Para acceder a este apoio económico, o demandante non deberá superar 1,5 veces o IPREM, o que, en función das cargas da unidade familiar, sitúa o tope de ingresos na contorna dos 18.000 ou 20.000 euros. Tamén deberá acreditar a situación de sufrir violencia de xénero durante os últimos 12 meses, mediante, indicou García, "sentenza ou denuncia".

Vivendas de aluguer