O Concello da Coruña avalía alugar o MAC como unha das "hipóteses" para garantir a súa continuidade

O Concello da Coruña ve no alugar o MAC (Museo de Arte Contemporánea da Fundación Naturgy, antes Fundación Gas Natural Fenosa) unha das "hipóteses posibles" para dar continuidade ao centro e a súa actividade, pero insisten en que aínda están "en proceso de negociación" coa compañía para definir cal vai ser a solución definitiva.

"É simplemente unha hipótese porque está o proceso en negociación con Naturgy", respondeu o concelleiro de Culturas no Concello da Coruña, José Manuel Sande, tras ser preguntado pola proposición de alugar o museo por parte do concello. Sande sinalou que o aluguer "é unha das hipóteses posibles", pero subliñou que ao mesmo tempo se esta traballando en aspectos xurídicos, económicos e laborais.

"Non creo que teña sentido un aluguer temporal, para iso buscariamos outro emprazamento", dixo tras ser cuestionado se ese aluguer tería un carácter temporal. "Primeiro debe ter esa continuidade e o proxecto debe englobar todo, tanto a colección como a actividade", engade.

Concelleiro José Manuel Sande (dereita). CONCELLO DA CORUÑA