Máis de cincuenta proxectos optan a participar na primeira aceleradora aeronáutica galega

Un total de 54 proxectos presentouse para participar na primeira edición da Business Factory Aero, a primeira aceleradora aeronáutica galega. Segundo informou este mércores o conselleiro de Economía, Francisco Conde, no aeródromo de Rozas, en Castro de Rei (Lugo), a convocatoria pechouse a finais de febreiro con 37 candidatos galegos presentados, 16 doutras partes de España e un de Reino Unido.

Deste xeito, as áreas que concentran maior número de iniciativas son os sistemas, o deseño e a produción de datos, así como a información. Esta aceleradora vaise a desenvolver de maneira provisional nas instalacións da Confederación de Empresarios de Lugo (CEL), á espera de que se reforme o antigo edificio da residencia. Na primeira convocatoria das tres previstas nesta aceleradora seleccionaranse seis proxectos para ser impulsados.

Así mesmo, o polo aeroespacial de Galicia estará presente en Chicago, entre o 30 de abril e 2 de maio, na feira de referencia do sector de drones, a Auvsi Xponential 2019. Conde destaca que "é unha realidade que está a permitir que Galicia sexa xa referencia nos drones"

Industria 4.0.- Un total de 54 proxectos optan a participar na primeira aceler. XUNTA | Fonte: Europa Press