Un home de 46 anos mata a súa muller dun disparo e suicídase
Ocorreu en Valga, onde un familiar atopou os corpos sen vida da vítima e do executor.
Por Europa Press / Redacción | SANTIAGO DE COMPOSTELA | 10/03/2019 | Actualizada ás 18:40
Un home de 46 anos asasinou cunha escopeta á súa muller, de 43, na súa vivenda do concello de Valga na provincia de Pontevedra e despois suicidouse tamén dun disparo, segundo informaron fontes da Garda Civil.
Ao redor do tres e media da tarde deste domingo, un familiar que quedara co matrimonio para comer achegouse á vivenda, situada na parroquia de Setecoros, ao ver que non acudían á cita. Ao chegar á casa, entrou na vivenda e atopouse cos corpos sen vida da muller, M.J.A.G., do ano 1975 e do seu marido, J.B.F., do 1972, con disparos de escopeta.
Non hai antecedentes de denuncias por violencia de xénero neste matrimonio, segundo precisou a Garda Civil. De momento, as primeiras hipóteses apuntan a un caso de violencia de xénero.
Este pasado venres, unha veciña de Sober (Lugo) de 63 anos foi asasinada en Madrid pola súa parella, un home de 81 que despois se suicidou.
