Récord de 148 ambulancias picadas durante a terceira convocatoria de folga en Galicia

Urxencias Sanitarias de Galicia-061 denunciou que dúas ambulancias asistenciais de soporte vital avanzado e 146 asistenciais de soporte vital básico rexistraron picadas durante a terceira convocatoria de folga para reivindicar un novo convenio para o sector do transporte sanitario en Galicia.

O 061 expresou, nun comunicado de prensa, a súa "máis firme condena" ante as "sabotaxes e actos vandálicos" contra as ambulancias da rede de transporte sanitario urxente rexistrados entre o 4 e 10 de marzo.

Ademais de picadas de rodas en 148 ambulancias, o 061 apunta danos en máis de 20 vehículos que sufriron "accións vandálicas" como cortes en cintos de seguridade, pintadas e avarías provocadas no motor dos vehículos, entre outras.

Todos os vehículos, asegura o 061, "substituíronse no menor tempo posible e seguiron prestando asistencia sanitaria con normalidade". O 061 lembra que esta folga, que pasará a ser indefinida desde o 20 de marzo se non hai antes acordo sobre o convenio, enmárcase no contexto da "falta de acordo na negociación" entre a patronal e os técnicos de emerxencias sanitarias.

Vos empresarios denuncian 'sabotaxes' a 35 ambulancias e piden á Xunta 'mecanismo. FEGAM | Fonte: Europa Press