Por E.P. | SANTIAGO DE COMPOSTELA | 18/03/2019 | Actualizada ás 14:21
A portavoz nacional do BNG, Ana Pontón, avanzou que o grupo nacionlista no Parlamento de Galicia presentará unha proposta de modificación da lei de orzamentos da Xunta para este ano coa intención de crear un "plan extraordinario" para a atención primaria no Sergas dotado con 223 millóns de euros extra.
Pontón, nunha rolda de prensa celebrada este luns no Pazo do Hórreo, incidiu en que a sanidade pública atravesa en Galicia "unha situación límite" motivada por "o dez anos de recortes e privatizacións" impulsados polo Partido Popular desde o Goberno galego que deixaron unha "focha" no Sergas e que "se cebou especialmente coa atención primaria".
Así, a líder frontista censura que Feijóo se escude na falta de capacidade económica da Administración económica para facer fronte ao "clamor" da sociedade contra a política sanitaria da Xunta que, segundo Pontón, derivou en "unha revolta" por parte de pacientes e profesionais.
"É falso que Feijóo non poida destinar máis diñeiro a sanidade sen ter que pedir a Madrid", aseverou en referencia á reclamación efectuada polo mandatario autonómico a pasada semana, cando solicitou publicamente ao Ministerio de Facenda que permita á Xunta destinar o superávit da comunidade a gasto social.
Nesta liña, tras cualificar de "travestismo político" o xiro na actitude do PPdeG desde a saída de Mariano Rajoy, Pontón ironizou con que o presidente galego sofre "un ataque de celos" cos "venres sociais" do Goberno de Pedro Sánchez e en resposta, como "artimaña preelectoral", realiza "os xoves propagandísticos de Feijóo" a través do Consello da Xunta, que se reúne o cuarto día da semana.
"Os problemas dos galegos non se solucionan con propaganda ou con diñeiro para pór carteis nos hospitais", insistiu Ana Pontón, que censura que o líder dos populares galegas "pense que pode cambiar o clamor da sociedade en favor da sandiad pública con mentiras, manipulación ou cartas ao Ministerio".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.