Aberto o prazo do programa 'Escolas Abertas' para difundir a cultura galega no exterior
O programa busca fomentar a convivencia e estancia de profesores que imparten clases en diferentes entidades galegas no estranxeiro.
Por E.P. | SANTIAGO DE COMPOSTELA | 19/03/2019 | Actualizada ás 16:03
A Secretaría Xeral da Emigración abriu o prazo de solictudes para participar no programa 'Escolas Abertas', co que o Executivo autonómico pretende difundir a cultura de Galicia no estranxeiro.
O prazo de presentación de solicitudes concluirá o 28 de abril. Para poder participar na iniciativa, os interesados teñen que facer chegar a documentación que lles acredite como profesores.
Nesta edición hai 80 prazas, 18 das cales están reservadas para profesores que imparten clases nalgún dos centros situados en Europa.
O programa busca "difundir a cultura, modo de vida e actualidade de Galicia por todo o mundo a través da convivencia e estancia de profesores que imparten clases en diferentes entidades galegas do exterior, que transmitirán a súa experiencia".
O obxectivo da iniciativa é que "a través da instrución e mellora das habilidades dos docentes participantes, se acrecente o interese e a formación de miles de galegos residentes, mesmo nados, fóra de Galicia".
Haberá, entre outros, talleres de especialización en gaita tradicional galega, baile, percusión, canto popular e pandeireta e confección de traxe tradicional.
