O experto en ciberseguridade David Finn inicia unha serie de conferencias tecnolóxicas da Amtega
O experto internacional comezou este mércores as conferencias tecnolóxicas da Axencia para a Modernización Tecnolóxica de Galicia (Amtega) en colaboración coa Universidade da Coruña.
Por E.P. | SANTIAGO DE COMPOSTELA | 20/03/2019 | Actualizada ás 20:28
O experto internacional en ciberseguridade David Finn comezou este mércores unha serie de conferencias tecnolóxicas da Axencia para a Modernización Tecnolóxica de Galicia (Amtega), en colaboración coa Universidade da Coruña.
O director executivo da organización CleanApps.org contou a historia de Internet e ciberseguridade, como naceron os problemas dos 'malware', así como as fraudes nas aplicacións e as perspectivas de futuro para afrontar estes problemas.
O programa de Finn en Galicia contémplase con outro seminario de carácter máis técnico, que terá lugar na Faculta de Economía na Coruña este xoves, 21 de marzo, entre as 18,30 e as 19,45 horas. É doutor en Dereito pola Universidade de Harvard, foi fiscal federal na cidade de Nova York e un dos responsables da loita contra o cibercrimen en Microsoft durante dous anos.
