Adolfo Domínguez presume de roupa galega "100 X 100" tras o ERE

Adolfo Domínguez anunciou este xoves que lanza ao mercado a primeira colección completa de pezas confeccionada ao 100% nos seus talleres de sastrería de Galicia. Segundo informa a empresa, trátase de 'Limited Edition', unha colección limitada de 450 unidades que revisita desde unha perspectiva de 2019 pezas icónicas da marca de autor.

Un anuncio que chega tras o inicio do sanemamento económico da firma e un ERE que supuxo o despido de máis dun cento de traballadores en Galicia.

O lanzamento chega tras unha primeira proba coa confección dunha selección de pezas realizada o pasado mes de setembro. A 'Limited Edition' será a primeira dunha serie de coleccións limitadas que a compañía galega producirá integramente na súa atelier de sastrería en San Cibrao das Viñas (Ourense), que non confeccionaba coleccións completas desde hai 20 anos.

A edición limitada presenta todo tipo de pezas en tecidos de alta calidade, con deseño 'gender fluíde', sen enfoque de xénero. A colección está dispoñible desde este xoves na tenda en liña da firma, nas súas flagships de Madrid e Barcelona e na súa tenda de Ourense (nesta última, a colección estará dispoñible desde o luns 25 de marzo).

"Nacemos como unha sastrería e no fondo nunca deixamos de selo. Esta colección é unha actualización do noso espírito, unha revisión da nosa herdanza e que reivindica a alma de moda de autor de Adolfo Domínguez", explica a directora de Produto do grupo, Ángela García.