O militante de Causa Galiza que sufriu unha agresión "fascista" denuncia "atraso" nas dilixencias policiais

Francisco Martínez e o seu avogado sosteñen que non se está tentando identificar e deter os presuntos responsables desta agresión.

Por Europa Press / Redacción | SANTIAGO DE COMPOSTELA | 21/03/2019 | Actualizada ás 18:23

Comparte esta noticia

Francisco Martínez, militante de Causa Galiza, denunciou que sufriu "unha agresión fascista" en Ferrol, da que nin el nin o seu propio avogado teñen "constancia" do avance das dilixencias policiais para tratar de identificar e deter os presuntos responsables desta agresión.

Denuncia de agresión a militante de Causa Galiza
Denuncia de agresión a militante de Causa Galiza | Fonte: Europa Press

Os feitos rexistráronse o pasado 7 de marzo, cando o mozo "ía camiñando para casa". "Estaba en compañía doutros dous amigos e decidimos facer unha foto cunha estatua que hai nunha rúa de Ferrol, momento no que chegaron un grupo de entre oito e dez persoas que nos comezaron a insultar, o que derivou nunha pequena discusión, decidindo irnos por outra rúa en paralelo para non ter ningún tipo de conflito", explicou en rolda de prensa.

Nese momento, sinala, atacáronlle " por detrás", ao berro de "rojo de mierda e hijo de puta", para posteriormente caer "inconsciente" ao chan e espertarse no hospital. Como consecuencia desta agresión, sufriu diversas fracturas na cara, feridas na cabeza e varios dentes rotos.

Martínez estivo acompañado do seu avogado, Alexandre Cortizas, que denunciou o "atraso" das dilixencias nunha agresión que se produciu "hai 14 días". "Non temos constancia de que se estean realizando as mínimas dilixencias por parte da Policía", insistiu, para tratar de identificar e deter aos presuntos responsables.

Tamén están a esperar a que se acabe de tomar declaración ás dúas testemuñas para dirixirse ao xulgado e solicitar "as dilixencias de proba pertinentes, vista a falta de acción por parte das Forzas e corpos de seguridade do Estado".

"Non entendemos como pode ser isto, cando estamos ante un caso de extremada gravidade", considerou, advertindo de que podería tratarse dun "presunto delito de lesións agravadas por realizarse con medios que poñen en perigo a vida das persoas, ademais de por motivos ideolóxicos, os chamados delitos de odio".

Nesta comparecencia pública Martínez contou co apoio de varios partidos, sindicatos e entidades culturais, como foi o BNG de Ferrolterra, a executiva do PSOE en Ferrol, Partido Comunista dos Traballadores de Galiza, CIG e Fundación Artabria, ademais de Causa Galiza, a organización na que milita e pertence.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 2 comentarios

2 Milla

Can non come can. Lamentablemente era nacionalista galego, non moverán un pelo por el. Os trifachitos están moi subidos e sábense impunes fora de Euskalherria e Catalunya. Compre reaxir e non deixar pasar unha, denunciar en todos os foros e non recuar. O fascismo combátese e véncese. Non pasarán.

1 Eu non cambio

A cousa é simple: ó carón hai un banco cunha cámara que podería ter gravado o incidente, e as imaxes bórranse cada 15 días...e o acusado é sobrinho de Arsenio Fenández de Mesa