Os Franco denuncian a un historiador galego por calumnias
Carlos Babío rexeita acudir o luns á conciliación cos Franco que negan as acusacións de "expropiación" do pazo de Meirás.
Por Europa Press / Redacción | SANTIAGO DE COMPOSTELA | 23/03/2019 | Actualizada ás 11:38
O historiador galego Carlos Babío, autor do libro 'Meirás, un pazo, un caudillo, un espolio', non acudirá o vindeiro luns 25 ao acto de conciliación fixado polo xulgado tras a denuncia dos descendentes de Franco presentada contra el por supostas calumnias.
Carlos Babío ratificou a Europa Press que non acudirá á cita xudicial, fixada para as 10,00 horas no Xulgado de 1ª instancia número 44 de Madrid, polo que só se verá as caras cos descendentes do ditador se o levan a xuízo.
A demanda foi presentada por mor da súa participación nunha reportaxe dun programa de televisión de Mediaset España SA, que os denunciantes consideran que mantivo un contido "calumnioso". Carlos Babío aparece no programa como neto de "afectada por expropiación" polo Pazo de Meirás.
No texto da demanda, o Franco censura que se tentase trasladar á opinión pública a "idea falsa" de que se tratase de ampliar a leira de Meirás respecto dos lindes orixinais "desahuciando aos lindeiros".
"Lonxe dese afán atribuído, os lindeiros non só non foron forzados ou impelidos ás vendas dos seus predios, en condicións moi vantaxosa sobre o seu valor real, nas que libremente e voluntariamente aceptaron dita transacción, senón que mesmo parte das ditas leiras lindeiras, cuxos propietarios non estiveron interesados na venda, permanecesen sen incorporar na titulación", aseguran os Franco.
Os denunciantes --José Cristóbal Martínez-Bordiú Franco, Franciso Franco Martínez-Bordiú, María de la O Martínez-Bordiú Franco, María del Mar Martínez-Bordiú Franco, María Aránzazu Martínez-Bordiú Franco e Jaime Felipe Martínez-Bordiú Franco-- aseguran que o contido da reportaxe foi "difamatorio" e acusan dunha vontade "inxuriosa" e piden reparar os danos e o "desmentido" de afirmacións.
"PERFECTAMENTE DOCUMENTADAS"
En declaracións a Europa Press, Carlos Babío asegurou que cada unha das afirmacións que el fixo no programa están recollidas no libro do que é coautor e que están "perfectamente documentadas", polo que se mostrou absolutamente tranquilo respecto diso da súa participación no programa.
