Por Europa Press / Redacción | SANTIAGO DE COMPOSTELA | 25/03/2019 | Actualizada ás 09:29
Efectivos de extinción traballan nun incendio forestal rexistrado no municipio lucense de Muras e que afecta a unhas 75 hectáreas de superficie, mentres que quedaron sufocados os lumes rexistrados este fin de semana nos concellos ourensáns de Chandrexa de Queixa e Lobeira. En total arderon polo de agora 125 hectáreas.
Segundo informou a Consellería do Medio Rural, o incendio de Muras localízase na parroquia do Burgo e afecta a unhas 75 hectáreas de monte raso. Este lume comezou ás 20,35 horas deste domingo e quedou controlado ás 6,19 horas deste luns. Foron mobilizados catro axentes, sete brigadas, cinco motobombas e unha pa.
Pola súa banda, o incendio forestal que se iniciou este domingo ás 12,00 horas na parroquia de Fitoiro, en Chandrexa de Queixa, e quedou controlado sobre as 17,25 horas quedou extinguido a als 23,20 horas da mesma xornada tras queimar unhas 25 hectáreas, dúas de arboledo e 23 de superficie rasa.
Mentres, o lume declarado sobre as 23,50 horas deste sábado e controlado pouco antes das 13,10 horas deste domingo no municipio ourensán de Lobeira, na parroquia de San Xes de Vilariño, quedou extinguido desde as 20,35 horas. Neste caso o incendio queimou unhas 25 hectáreas de monte raso no parque natural do Xurés.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.