Máis do 67% das denuncias xudiciais por cláusulas abusivas en Galicia de 2018 acabaron o ano sen resolverse
Esta cifra é superior á media nacional, que se sitúa no 30,01% das denuncias.
Por Europa Press / Redacción | SANTIAGO DE COMPOSTELA | 25/03/2019 | Actualizada ás 14:52
O 67,7% das denuncias xudiciais por cláusulas abusivas en Galicia durante o 2018 entraron en 2019 sen ser resultas, segundo informou este luns o Consello Xeral do Poder Xudicial (CGPJ).
Todo iso pese ao 'empuxón' dos xulgados no cuarto trimestre do ano, onde se resolveron ata o 95,2% dos casos presentados, o que coloca a taxa anual de resolución no 32,3%. Esta cifra é superior á media nacional, que se sitúa no 30,01% das denuncias, pero moi inferior ao de comunidades autónomas como A Rioxa ou Asturias, cuxo cociente de resolución de casos roza o 70%.
As sentenzas ditadas polos Xulgados especializados en Galicia entre outubro e decembro do ano pasado ascenden a 964, mentres que as do conxunto de 2018 son 2.943 casos. Por tanto e a peche do exercicio pasado, a cantidade de asuntos xudiciais ingresados e aínda pendentes alcanza os 8.518, resolvéndose un total de 3.762.
