Integrantes da CEG impugnan ao comité executivo que convocou eleccións para o 19 de setembro

Os motivos que presentan son que as delegacións de voto da Confederación de Empresarios de Lugo a favor do presidente da Confederación de empresarios de A Coruña conteñen defectos formais e non gardan garantías.

Por E.P. | SANTIAGO DE COMPOSTELA | 04/04/2019 | Actualizada ás 13:57

Comparte esta noticia

Integrantes da confederación de empresarios de Galicia (CEG) impugnaron o comité executivo que convocou eleccións na patronal para o próximo 19 de setembro. Membros da CEG denuncian que "as delegacións de voto conferidas polos representantes da Confederación de Empresarios de Lugo a favor do presidente da Confederación de Empresarios de A Coruña (...) conteñen defectos formais e non gardan as garantías debidas posto que non son firmas auténticas en orixinais".

Deste xeito, apelan a esta "irregularidade" para que a Secretaría da CEG abra expediente de impugnación aos acordos adoptados, entre eles a data dos comicios. Nese comité executivo, celebrado o pasado 27 de marzo, estivo ausente a confederación de empresarios de Pontevedra, ao non considerar "serio" que se convocase esa reunión só para fixar a data das eleccións.

Pola súa banda, fontes próximas á portavocía da patronal, que exerce por idade o presidente dos empresarios coruñeses, Antonio Fontenla, apuntaron que a data de 19 de setembro decidiuse de acordo ás necesidades da organización en Ourense, que ten eleccións á presidencia, á súa vez, en xuño.

Rolda de prensa en Ourense, Pontevedra e sectoriais da CEG
Rolda de prensa en Ourense, Pontevedra e sectoriais da CEG | Fonte: EP

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta