Por E.P. | SANTIAGO DE COMPOSTELA | 04/04/2019 | Actualizada ás 17:13
O Goberno galego aprobou este xoves a licitación dos 100 primeiros contratos de transporte público que operarán en Galicia durante a próxima década, o que supón un total de 2.000 liñas. Destas, 1.400 rutas --o 70 por cento-- serán de uso compartido entre viaxeiros adultos e escolares, e máis de 1.000 continuarán operativas baixo demanda en períodos non lectivos.
Na comparecencia posterior á reunión coa súa Ejejecutivo, o presidente da Xunta, Alberto Núñez Feijóo, explicou que isto supón un volume de negocio de 630 millóns de euros, dos cales 500 proveñen das arcas da Comunidade.
En concreto, estas 2.000 liñas percorrerán 28 millóns de quilómetros anuais utilizando máis de 100 autobuses. Ademais, Feijóo destacou que, tras un acordo cos sindicatos, "mantéñense e subrogan" un total de 1.000 condutores que sosteñen este servizo. "Probablemente, será o maior contrato de transporte público dos últimos anos", destacou Feijóo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.