A Policía Autonómica toma declaración a un veciño do Valadouro por un incendio rexistrado en marzo

A Policía Autonómica esclareceu un incendio rexistrado o pasado 12 de marzo no concello do Valadouro, en Lugo, concretamente na parroquia de Budián.

Un grupo de axentes tomou declaración a un home como presunto autor do lume, producido cando este realizaba unha queima de restos agrícolas sen adoptar medidas de seguridade.

O lume propagouse ás leiras próximas e finalmente arderon unhas 0,33 hectáreas de superficie rasa. Posteriormente, trasladáronse as dilixencias ao xulgado de instrución en funcións de garda de Mondoñedo (Lugo).

Policía Autonómica vixiando os lumes forestais | Fonte: Arquivo Galicia Confidencial