Por Europa Press / Redacción | SANTIAGO DE COMPOSTELA | 05/04/2019 | Actualizada ás 12:50
A circulación restableceuse sobre o mediodía deste venres despois da avaría dun convoi no termo municipal de Laza, Ourense, que afectou a máis de 700 viaxeiros de catro servizos Avant.
Segundo informan fontes de Renfe, polo momento foron afectados catro Avant, un que se dirixía de Pontevedra a Madrid con 190 persoas, outro de Madrid a Ferrol con 186, un de Ferrol a Madrid con 187 e outro de Madrid a Pontevedra con 144.
Todos eles foron transbordados por estrada, os primeiros de Ourense á Gudiña, os segundos da Gudiña a Ourense, os terceiros de Baños de Molga á Gudiña e os últimos da Gudiña a Pontevedra.
Pola súa banda, o tren avariado en Laza, que aínda non foi retirado da vía, non transportaba viaxeiros, segundo apuntan as mesmas fontes.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.