Por Galicia Confidencial | A Coruña | 05/04/2019 | Actualizada ás 19:32
Madrid, Barcelona, Zurich, Lisboa, París, Lyon, Londres, Munich, Turín, Praga, Manchester, Las Vegas, Portland... e Galicia. A lendaria banda estadounidense de rock alternativo Pixies está de xira para presentar en directo o seu novo traballo discográfico, que verá a luz o próximo mes de setembro.
O curioso da axenda de concertos dos Pixies é que os responsables da xira non sitúan a cidade galega na que actuarán, nin no cartel orixinal nin na páxina de compra das entradas para os seus concertos. Indícase que o recinto é o Coliseum e que a "cidade" é Galicia (así figura na columna 'City' que indica as localizacións dos concertos), mentres nos demais casos identifican correctamente as urbes nas que actuarán.
Ao facer clic sobre o botón de compra de entradas, chégase ao sitio web de Ataquilla (venda de entradas de Abanca). E aí si, xa se identifica a cidade, A Coruña, onde os Pixies actuarán o sábado 26 octubre, ás 22.00 horas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.