Galicia segue escasa de auga a pesar das chuvias de abril
A reserva dos encoros galegos sobe ao 70,5% na última semana, pero segue por baixo do ano pasado.
Por Europa Press / Redacción | SANTIAGO DE COMPOSTELA | 23/04/2019 | Actualizada ás 14:08
A reserva dos encoros galegos subiu ata o 70,5% da súa capacidade na última semana, tras gañar 67 hectómetros cúbicos, segundo os datos que publica este martes o Ministerio de Transición Ecolóxica.
Deste xeito, sobe case dous puntos respecto dos datos de fai sete días, cando a auga embalsamada en Miño-Sil e Galicia situábase no 68,7%.
Na reserva Miño-Sil hai 2.066 hectómetros cúbicos, nunha cifra que vai á alza, pero que supón case 600 menos que os 2.661 cos que contaba a estas alturas en 2018. Tamén está por baixo da media da última década (2.385).
No tocante a Galicia Costa, hai 553 hectómetros cúbicos, así mesmo menos que os 617 que había nesta época hai un ano (617). Neste caso, está lixeiramente por encima da media da última década (544).
