Por Europa Press / Redacción | SANTIAGO DE COMPOSTELA | 02/05/2019 | Actualizada ás 11:37
O helicóptero 'Helimer 401' de Salvamento Marítimo rescatou na mañá deste xoves a un percebeiro que sufrira un accidente nun pé cando se atopaba nunha zona de difícil acceso en Muxía.
Ás 8,30 horas, o 112 Galicia pediu a colaboración do Centro de Salvamento de Fisterra para o rescate do percebeiro nunha zona de difícil acceso por mar e terra na área de Punta Buitra.
No operativo foron mobilizados a Policía Local, Bombeiros, Protección Civil e o helicóptero de Salvamento 'Helimer 401', que foi o que se desprazou á zona sobre as 9,30 horas e dez minutos máis tarde xa tiña a bordo ao percebeiro accidentado.
Finalmente foi o propio helicóptero o que evacuou ao percebeiro rescatado ao Hospital de Cee, onde chegou sobre as 9,55 horas, confirmou Salvamento Marítimo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.