Por Europa Press / Redacción | SANTIAGO DE COMPOSTELA | 02/05/2019 | Actualizada ás 16:41
As reservas do grupo sanguíneo Cero positivo (0+) permanecen en nivel baixo en Galicia, mentres que as da Positivo (A+) e Cero negativo (0-) están normais e as da negativo (A-) atópanse en nivel bo, segundo a información facilitada este xoves pola Axencia de Doazón de Órganos e Sangue (ADOS).
ADOS lembra que para poder atender as necesidades dos centros sanitarios galegos son necesarias 500 doazóns de sangue cada día, polo que subliña a importancia de acudir a doar de todos os grupos sanguíneos.
Co fin de facilitar a doazón, este luns, 6 de maio, ADOS desprazará unidades móbiles aos municipios coruñeses de Ferrol --barrio de Ou Inferniño--, Ordes --entre os parques municipais--, Cabana de Bergantiños --A Carballa--, Boiro --Jealsa I-- e A Baña --diante do centro de saúde--.
Tamén haberá unidades móbiles nos concellos pontevedreses de Agolada --xunto ao Concello-- e Vigo --rúa do Príncipe xunto ao Farol e rúa Venezuela fronte ao Colexio Maristas--.
Así mesmo, o luns 6 de maio haberá unha unidade móbil de ADOS á beira da Praza Maior na cidade de Lugo e outra na localidade ourensá da Valenzá --diante da farmacia--.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.