Localizado o veciño do Carballiño desaparecido

O veciño do municipio ourensán do Carballiño de 48 anos de idade que permanecía desaparecido desde o mediodía deste luns foi localizado este xoves.

Segundo informaron fontes do Instituto Armado, o home foi levado ao Punto de Atención Continuada (PAC) da zona para realizarlle unha valoración médica.

Ás 21,00 horas do luns 29 de abril denunciou no Cuartel da Garda Civil do Carballiño unha muller veciña desta localidade a desaparición do seu marido.

O desaparecido, Xullo González Feijóo, de 48 anos e veciño do Carballiño, que se atopa a tratamento psiquiátrico por depresión, faltaba do seu domicilio desde as 12,00 horas deste luns.