Por E.P. | SANTIAGO DE COMPOSTELA | 03/05/2019 | Actualizada ás 18:40
O Colexio Profesional de Xornalistas de Galicia (CPXG) publicou un manifesto con motivo do 26º aniversario do Día Internacional de Liberdade de Prensa, establecido pola UNESCO no 1993, debido a "a precariedade" que está a afectar ao oficio do xornalista.
O manifesto fai referencia á revolución dixital e á crise económica como "orixe" dos males do oficio que provocaron "despedimentos, baixadas de salario e reaxustes nos cadros de persoal". Ademais, moitos medios puxeron "punto e final" á súa historia por mor da falta de fondos.
A escasa remuneración ou a ausencia desta está a converterse en algo "habitual" nos contratos e as posibilidades de permanencia nos medios son escasas. En moitos casos, segundo o manifesto, "o proceso de aprendizaxe traducíase en asumir as funcións --e as xornadas laborais-- propias dun redactor asalariado".
Segundo a xornalista e colexiada do CPXG Sabela Direito Rebollal, moitos medios vendéronse a un xornalismo "de baixo custo", "carente dos principios e valores da profesión como a ética, a neutralidade e a honestidade".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.