Galicia perde bandeiras azuis este ano

Terá 107 bandeiras, dúas menos que en 2018. España lucirá 669, 28 menos, aínda que mantén o liderado mundial.

Por Europa Press / Redacción | SANTIAGO DE COMPOSTELA | 07/05/2019 | Actualizada ás 13:18

Comparte esta noticia

A Asociación de Educación Ambiental e do Consumidor (Adeac) concedeu 107 bandeiras azuis en praias galegas para 2019, dúas menos que en 2018. En total, a Consellería de Medio Ambiente destaca que Galicia recibe 163 galardóns, para areais, portos, carreiros e aulas-centros de natureza.

En canto ás praias, son 55 bandeiras azuis para a provincia de Pontevedra, 38 para A Coruña e 14 para Lugo, aos que se suman 12 en portos galegos (fronte aos 15 do ano pasado).

A comunidade, mentres, ocupa a primeira posición no número de recoñecementos para carreiros azuis, cun total de 29, dos cales os de Praia de Abrela-Punta Socastro (Fuciño do Porco) e a Ruta Montes e Praias en Marín recíbeno por primeira vez.

A Xunta valora que Galicia mantén a súa posición na clasificación estatal con 107 bandeiras para os areais de 31 concellos, aos que se engaden 12 distintivos para portos deportivos e 15 para centros azuis.

Os municipios aos que corresponde o maior número de bandeiras azuis para as súas praias son Boiro, Arteixo, Oleiros e A Coruña (na provincia coruñesa); Foz en Lugo e Sanxenxo en Pontevedra, seguido de Vigo, Cangas, Marín e Baiona.  Abrela (O Vicedo), Samil (Vigo), Loira (Marín) e Panadeira (Sanxenxo) volven obter este distintivo, que non recibiran na pasada edición.

Bandeira Azul nunha praia.. EUROPA PRESS - Arquivo
Bandeira Azul nunha praia.. EUROPA PRESS - Arquivo | Fonte: Europa Press

A comunidade galega acapara case un 20% das 566 bandeiras azuis outorgadas a praias españolas, de acordo coa análise de Medio Ambiente. Con todo, e a pesar de perder 28, o estado lucirá 669 bandeiras e mantén o liderato mundial.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta