Por E.P. | SANTIAGO DE COMPOSTELA | 09/05/2019 | Actualizada ás 18:22
O Consello da Xunta autorizou este xoves a prórroga do acordo marco para a compra de dez tipos de vacinas empregadas no calendario infantil por 5,1 millóns de euros para 221.380 dose.
Esta é a prórroga do acordo marco asinado en 2016 co Ministerio de Sanidade co obxectivo de mellorar as condicións para a súa adquisición. Inclúe vacinas que se utilizan en situacións específicas e grupos de risco para 2020.
O lote ten moitas das principais vacinas a utilizar no calendario infantil como a varicela, difteria, tétano, hepatite A e B para idade pediátrica, así como o meningococo C, entre outras.
"Este acordo marco permite unha maior eficiencia do programa e control do gasto!", segundo Feijóo. Nunha primeira fase o Ministerio regula a fixación dos prezos máximos e establece as bases que rexerán os contratos derivados en cada comunidade, tras o cal procédese á execución do contrato en cada autonomía.
UN 5% MÁIS DE DOSE CONTRA A GRIPE
Por outra banda, Sanidade informou no Consello deste xoves de que administrou 567.408 dose da vacina contra a gripe na campaña de 2018, o que supón un cinco por cento máis que o anterior ano.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.