Banco Santander anuncia un ERE para suprimir máis de 3.700 empregos e 1.150 oficinas
A entidade inicia o Expediente de Regulación de Emprego polas duplicidades na rede de oficinas tras a adquisición de Banco Popular.
Por Europa Press / Redacción | MADRID | 14/05/2019 | Actualizada ás 15:06
Banco Santander informou aos sindicatos a súa intención de recortar máis de 3.700 empregos e suprimir unhas 1.150 oficinas no marco do Expediente de Regulación de Emprego (ERE) que a entidade acometerá polas duplicidades na rede de oficinas tras a adquisición de Banco Popular e para abordar os retos da transformación dixital.
Este martes celebrouse a segunda reunión do ERE, na que se expuxo a composición da comisión representativa por parte da representación dos traballadores e na que o banco manifestou a súa intención de suprimir 1.150 oficinas e prescindir de algo máis de 3.700 postos de traballo.
Este xoves 16 de maio celebrarase a próxima reunión, na que a dirección do Santander presentará a memoria explicativa que xustifica esta reordenación.
