Por E.P. | SANTIAGO DE COMPOSTELA | 15/05/2019 | Actualizada ás 18:42
As tres universidades galegas, entre as mellores do mundo en produción científica. Así vén recollido no ranking Leiden, que inclúe ás 936 institucións académicas de educación superior máis importantes nesta materia.
Esta clasificación toma en consideración artigos e revisións, deixando excluídos libros, actas de congresos e publicacións en revistas no índices, aínda que si proporciona indicadores de impacto científico, colaboración, publicación de acceso aberto e diversidade de xénero, segundo explicou a universidade compostelá.
Deste xeito, a Universidade de Santiago de Compostela ascendeu á posición 446 do ranking e sitúase no oitavo posto de todas as españolas, con 2.770 publicacións indexadas.
A súa homóloga de Vigo, pola súa banda, sitúase na posición número 636 da clasificación Leiden, e a Universidade da Coruña no 905. Ambas contaron con 1.827 e 1.102 publicacións indexadas, respectivamente.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.