Unha ruta organizada por Adega en Pontevedra axudará a coñecer as libélulas do río Lérez

A asociación ecoloxista Adega organizará este domingo, día 19, unha nova ruta a pé en Pontevedra, esta vez para coñecer as libélulas do río Lérez.

A actividade inclúese dentro da iniciativa 'Fauna d'aquí', dedicada ao coñecemento e posta en valor das especies ameazadas da fauna autóctona galega.

Durante a ruta, os participantes visitarán as masmas de Xunqueira de Alba, un humidal recuperado que agora constitúe un hábitat idóneo para varias especies de libélulas e onde coñecerán datos da súa vida. Remontando o Lérez, tamén poderán descubrir algún dos segredos que esconde a Illa das Esculturas.

Exemplar de libélula 'Macromia splendens' | Fonte: Genaro da Silva.