Unha operación contra o narcotráfico dirixida desde Vigo captura un barco cun cargamento de cocaína

Axentes do Grupo Especial de Operacións (GEO) da Policía Nacional abordaron un pesqueiro con 1.500 quilos de cocaína en augas próximas a Canarias, no marco dunha operación que dirixe o xulgado de instrución número 4 de Vigo.

Polo momento hai sete persoas detidas, a tripulación do barco, todas estranxeiras. A operación segue en marcha, segundo informa o Tribunal Superior de Xustiza de Galicia (TSXG).

A embarcación interceptada, que atracará este martes no Arsenal das Palmas, é un barco pesqueiro sen pavillón que partiu de Brasil en dirección a España. Púidose interceptar e abordar por parte do GEO en augas próximas a Canarias, segundo avanzou a Policía Nacional.

Imaxe da droga incautada nun operativo contra o narcotráfico. POLICÍA NACIONAL