O Muncyt acolle o venres na Coruña unha xornada sobre o cancro de mama na V edición de 'Senoforum'

O evento está dirixido fundamentalmente a pacientes que tiveron ou teñen na actualidade esta enfermidade co obxectivo de achegarlles claves que contribúan a mellorar a súa calidade de vida.

Por E.P. | A CORUÑA | 21/05/2019 | Actualizada ás 14:12

Comparte esta noticia

A sede coruñesa do Museo Nacional de Ciencia e Tecnoloxía (Muncyt) acollerá o venres a quinta edición de 'Senoforum', unha xornada divulgativa centrada no cancro de mama e que está impulsada pola Unidade de Mama do Hospital HM Modelo e polo Centro Integral Oncolóxico Clara Campal HM CIOCC Galicia.

Segundo informa a organización, trátase dun evento dirixido fundamentalmente a pacientes que tiveron ou teñen na actualidade un cancro de mama. "Co obxectivo de achegarlles claves que contribúan a mellorar a súa calidade de vida", segundo explica a doutora Julia Rodríguez, cirurxiá de mama e responsable da Unidade de Mama do Hospital HM Modelo e coordinadora deste evento.

Con esta perspectiva, o vindeiro venres darase cita no Muncyt un equipo multidisciplinar de profesionais de distintas ramas, que coa participación dos pacientes que desexen intervir, abrirán un debate sobre distintos aspectos que permiten mellorar a calidade de vida dos pacientes con cancro de mama.

MUNCYT A Coruña
MUNCYT A Coruña | Fonte: MUNCYT

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta