Por E.P. | A CORUÑA | 23/05/2019 | Actualizada ás 19:33
O portavoz do grupo popular da Deputación da Coruña, Agustín Hernández, acusou ao presidente da institución provincial, Valentín González Formoso, de utilizar fondos deste organismo "para facer fronte ao pago dunha comida organizada polo grupo socialista e que se celebrou no Pazo de Mariñán con coñecidos empresarios".
No seu comunicado, o PP refírese ao xantar-coloquio promovido pola Confederación de Empresarios da Coruña (CEC) co presidente de Bankia, José Ignacio Goirigolzarri. Sobre este acto, fontes do goberno provincial, consultadas por Europa Press, manifestaron que forma parte da cesión do inmoble para a realización de "xornadas e actividades sociais, económicas e culturais".
"Así foi con gobernos de todas as cores políticas", expuxeron, enmarcando "na actividade normal" do Pazo a actividade celebrada este xoves. Ademais, lamentaron "a desafortunada crítica" do portavoz popular que achacan "ao nerviosismo do PP ante as eleccións municipais".
EXPLICACIÓNS
Sobre o xantar-coloquio, a formación popular ve "inxustificable", a tres días das eleccións, a organización dun acto deste tipo que, segundo Hernández, "pouco ou nada ten que achegar ao labor político que a Deputación da Coruña debe levar a cabo nos concellos da provincia". "Gustaríanos saber cal é o motivo real desta comida e, sobre todo, cremos obrigatorio que o señor Formoso ofreza explicacións de por que se paga con fondos da Deputación da Coruña", apunta.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.