A candidata de Cs á Alcaldía da Coruña anima a unha "participación alta" porque "vai ben á democracia"
Mónica Martínez afirma que en "Ciudadanos queremos repetir o éxito do 28 de abril e, por iso, é importante exercer o dereito ao voto para que non nos arrepintamos esta noite de non conseguir o cambio que queremos.
Por E.P. | A CORUÑA | 26/05/2019 | Actualizada ás 17:00
A candidata de Cs á Alcaldía da Coruña, Mónica Martínez, manifestou que este 26 de maio "é un día moi importante", polo que animou a ir votar. "Cando hai unha participación alta sempre nos vai ben á democracia e aos que cremos nela", sostivo.
"En Ciudadanos queremos repetir o éxito do 28 de abril e, por iso, é importante exercer o dereito ao voto para que non nos arrepintamos esta noite de non conseguir o cambio que queremos", sostivo.
Tras lembrar que "Ciudadanos experimentou un gran ascenso nas pasadas eleccións" xerais pediu aos coruñeses que "volvan" darlles "a súa confianza" para "conseguir entrar con forza no Concello e poder cambiar o rumbo da cidade". "Estou convencida de que vai ser unha gran noite", concluíu.
