Por E.P. | SANTIAGO DE COMPOSTELA | 26/05/2019 | Actualizada ás 21:14
O secretario xeral do PP galego, Miguel Tellado, evitou pronunciarse as primeiras enquisas a pé de urna das eleccións municipais en Galicia porque, dixo, "non teñen o costume" de facelo.
"En canto acabe o escrutinio dos 313 concellos sairemos a facer unha valoración", expresou o número dous dos populares galegos durante unha comparecencia de prensa media hora despois de coñecerse os datos da enquisa elaborada pola empresa demoscópica GfK para a CRTVG que reflicten que, do sete cidades, só en Ferrol o PP gañaría os comicios locais, pero sen maioría absoluta.
Cun panorama complicado para os populares nas urbes, Miguel Tellado preferiu non pronunciarse sobre este estudo a pé de urna e baseou a súa intervención en agradecer "a todos os traballadores públicos" que fixeron posible o "total desenvolvemento con normalidade" destas eleccións.
De igual modo, agradeceu o labor de "miles de interventores" e aos 313 candidatos que traballaron este 26 de abril "en todos os municipios de Galicia", posto que os populares contan con candidaturas en todos eles.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.