Absoltos dous acusados de violar unha moza tras un 'botellón' en Vilagarcía

O fallo foi asinado por tres xuízas da Audiencia Provincial de Pontevedra.

Por Europa Press / Redacción | PONTEVEDRA | 27/05/2019 | Actualizada ás 19:53

Comparte esta noticia

A sección cuarta da Audiencia Provincial de Pontevedra absolveu a dous acusados de agredir sexualmente a unha amiga tras realizar un 'botellón' na vivenda dun deles. Nun fallo asinado por tres xuízas con data de 16 de maio deste ano, a Audiencia asegura que o relato da demandante é "xenérico, difuso, con poucos datos colaterais", á vez que destaca que se aprecian "lagoas acerca de detalles relevantes". Contra a sentenza cabe recurso no Tribunal Supremo.

Audiencia Provincial de Pontevedra.
Audiencia Provincial de Pontevedra.

Nos feitos probados, a sentenza sinala que sobre as 2,30 da madrugada do 19 de marzo de 2013 todos os presentes na festa abandonaron o piso para ir a un concerto. Despois, sobre as 5,30 horas, volveron ao domicilio os dous acusados. Alí, posteriormente, a denunciante chegou e dirixiuse á habitación na que se atopaban os dous mozos en senllas camas e deitouse cun deles, onde mantivo relacións sexuais e "non consta que fosen forzadas ou sen o seu consentimento".

As xuízas tamén sinalan que "non consta acreditado" que o outro sospeitoso actuase de acordo co primeiro nin que suxeitase a vítima dun brazo ou aproximase os seus xenitais á súa boca.

Ademais, afirman que tampouco quedou acreditado que durante os feitos a denunciante estivese afectada "polo consumo de alcol ou fármaco algún".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta