Unha colisión entre dous camións en Padrón sáldase con dous feridos

Dúas persoas resultaron feridas tras producirse o choque entre dous camións á altura do municipio de Padrón.

Segundo informa o 112, o impacto produciuse na N-550, preto do km 80, á altura de Iria Flavia. Ata o lugar desprazáronse efectivos do 961, Bombeiros de Boiro, Ges de Padrón, Garda Civil de Tráfico, Policía Local e Protección Civil.

Tamén se trasladou ata o punto o helicóptero medicalizado de Urxencias Sanitarias. Os equipos de excarceración conseguiron liberar ao condutor dun dos vehículos e a outros dous feridos, ocupantes do outro camión.

Camión envorcado | Fonte: GARDA CIVIL