Por E.P. | A CORUÑA | 30/05/2019 | Actualizada ás 14:59
O concelleiro de Culturas, Deporte e Coñecemento do Concello da Coruña, José Manuel Sande, mostrouse confiado en que o novo goberno local "respecte" proxectos en marcha no ámbito cultural e impulsados durante este catro anos.
A preguntas dos xornalistas, coincidindo coa presentación dunha nova edición do Salón do Cómic da Coruña, confirmou, sobre a programación das Festas de María Pita, que xa hai "un avance" que alcanza "o 70%" dos actos previstos.
Con iso, dixo que non se está "interferindo no terreo de ninguén", en alusión ao novo goberno local que se constitúa despois de que Marea Atlántica queda con seis edís fronte aos dez que tiña e cos que conformou un goberno en minoría nos últimos catro anos.
Cuestionado sobre o que lle pediría ao novo responsable da área de cultura, dixo que unicamente que "se respecten as cousas que se consideren que están ben feitas". "E que haxa camiño para a vida cultural da cidade, un elemento de transformación social", subliñou.
PORTAVOZ
Noutra orde de cousas, preguntado sobre quen será o novo portavoz de Marea Atlántica, Sande, que xa anunciou antes das eleccións municipais que non repetiría na candidatura, evitou pronunciarse.
Unicamente dixo que o alcalde en funcións, Xulio Ferreiro, --que tamén abandona a primeira liña da política-- foi "bastante expresivo" na súa comparecencia, en alusión á que ofreceu este mércores para anunciar a súa marcha. Nela, entre outras persoas, expresou o seu agradecemento a Iago Martínez, que foi o seu asesor e que entrará, coa súa marcha, na corporación local.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.