O cadro de persoal de Extel convoca para este venres unha folga de 24 horas e unha concentración na Coruña

O persoal de Extel na Coruña secundará este venres unha folga de 24 horas e unha concentración en demanda de melloras laborais e salariais e contra os "despedimentos arbitrarios".

Segundo informan a centrais UGT e CIG, trátase dunha convocatoria conxunta dos distintos sindicatos, que argumentan problemas no pago dos incentivos, "insuficiente" formación do persoal e material de traballo "en mal estado".

Ademais da folga de 24 horas, o comité convocou unha concentración, ás 12,00 horas, ante o Edificio Proa de Matogrande, onde se atopan situadas as oficinas.

Reunión entre representantes de A Mesa pola Normalización Lingüística e das seccións sindicais de Extel | Fonte: A Mesa