Por Europa Press / Redacción | SANTIAGO DE COMPOSTELA | 31/05/2019 | Actualizada ás 09:37
Este venres Galicia manterase na influencia das altas presións, con aire cálido africano en superficie, que deixará temperaturas moi elevadas, por encima dos 30 graos en moitos lugares de Galicia.
Así, espéranse ceos despexados en toda a comunidade, con formación de nubes de evolución pola tarde en zonas altas do interior, que poderían dar lugar a algunha treboada. Así o recolle a predición de Meteogalicia, que anuncia que as temperaturas mínimas ascenderán, mentres que as máximas continuarán marcando valores elevados.
Entre as principais cidades galegas, as mínimas situaranse entre os 13 graos de Lugo e os 19 de Vigo e as máximas entre os 27 graos da Coruña e os 36 de Ourense. En canto ao vento, soprará frouxo de dirección variable, seguindo un réxime de brisas na costa.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.