A raíña Letizia Ortiz visita a caseta da editorial galega Kalandraka na Feira do Libro de Madrid

A raíña Letizia inaugurou este venres a Feira do Libro de Madrid cun percorrido por algunhas das súas casetas, entre elas a da editorial galega Kalandraka.

Durante o paso da raíña de España por esta caseta, o director de Kalandraka, Xosé Ballesteros, mostroulle unha selección da produción máis recente da editorial pontevedresa.

En especial, Letizia Ortiz interesouse polas obras de autores galegos, como 'Man de Camelle', de Carmen Hermo (Premio Gala do Libro 2019 de Ilustración); 'A Torre', de Antonio Sandoval na colección Vitamina N, ou 'Versos e viceversos', de Antonio García Teijeiro.