Por Europa Press / Redacción | SANTIAGO DE COMPOSTELA | 31/05/2019 | Actualizada ás 17:52
O ex-alcalde de Sada e candidato do PP nas pasadas eleccións municipais, Ernesto Anido, anunciou que abandona a "vida política" tras os resultados obtidos polo seu partido neste municipio o 26 de maio, onde pasou do sete edís obtidos en 2015 a cinco.
O PP de Sada informou desta decisión a través do comunicado que Anido lles fixo chegar este venres. Nel, asegura que "os resultados obtidos nestas eleccións municipais estiveron moi por baixo dos obxectivos e as expectativas albergadas durante este últimos catro anos nos que o traballo, a perseveranza e a unión do noso equipo, sempre en defensa dos intereses de todos os sadenses, foron unha constante no noso día a día".
Con todo, asegura que os resultados evidencian a ausencia dun apoio suficiente "e dunha maneira particular ao proxecto" que el "encabezaba" e que estimou, "en todo momento, que era o mellor para Sada", sinala.
Así, asume "a responsabilidade dos resultados, que aínda que soamente nos afastan uns cantos votos da forza máis votada, nin o noso partido nin eu podemos asumilos como óptimos", engade despois de que Sadamaioría --con seis edís-- fose a forza máis votada co que podería gobernar só co apoio de BNG e Alternativa dos Veciños, con dous concelleiros respectivamente. O PSdeG obtivo outros dous.
Por outra banda, confirma que comunicou á dirección provincial do PP a súa decisión de "apartarse" da vida política. "E deixar paso a unha nova etapa que xere a ilusión e a esperanza necesaria para conseguir que o Partido Popular de Sada obteña a confianza absoluta dos veciños", engade.
Da súa etapa, destaca que deixa un PP de Sada "totalmente renovado, con experiencia, ilusión e capacidade, que sen dúbida saberá corresponder aos apoios recibidos e que, ao longo dos próximos anos, saberá elixir o seu mellor futuro".
No seu comunicado, agradece os apoios recibidos e a confianza outorgada neste oito anos de etapa política, citando en particular o líder do PPdeG, Alberto Núñez Feijóo, e o presidente provincial, Diego Calvo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.