Por Europa Press / Redacción | PONTEVEDRA | 03/06/2019 | Actualizada ás 13:02
A nena de 12 anos de idade ferida este luns no termo municipal de Poio foi atropelada cando cruzaba un paso de peóns de camiño ao colexio. Segundo relataron a Europa Press fontes municipais, das primeiras pescudas constatouse que a menor cruzaba un paso de peóns regulado por semáforo, que estaba en ámbar con preferencia para os peóns, cando un vehículo que circulaba sentido Pontevedra deulle un primeiro golpe e desprazouna ao outro carril, onde un camión que ía sentido Sanxenxo arroiouna e a nena quedou debaixo do vehículo.
A menor foi evacuada nunha ambulancia medicalizada do 061 ao Hospital Provincial en Pontevedra, onde foi ingresada e "estabilizada" en observación con prognóstico reservado. As mesmas fontes municipais comentaron que os golpes de importancia levounos na zona da cadeira e "algo na barriga".
INVESTIGACIÓN
A Policía Local de Poio abriu unha investigación en relación ao atropelo ocorrido na mañá deste luns no marco da cal procedeu a tomar declaración a condutoras testemuñas do sinistro e implicados.
Os servizos de emerxencia interviron na mañá deste luns para liberar á nena, que resultou ferida de consideración tras ser atropelada e quedar atrapada debaixo dun camión. A nena cruzaba a Avenida da Barca, á altura do número 32, cando foi atropelada. Segundo informou o 112 Galicia, os bombeiros mobilizados tiveron que levantar o camión para liberar á menor.
Os feitos ocorreron sobre as 8,30 horas. Tras recibir a alerta dunha persoa, o 112 Galicia solicitou a intervención do 061, do GES de Sanxenxo, dos Bombeiros de Pontevedra e de Ribadumia, da Garda Civil de Tráfico, da Policía Local e da Agrupación de Voluntarios de Protección Civil da localidade.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.