Por Europa Press / Redacción | A CORUÑA | 03/06/2019 | Actualizada ás 19:34
A reciclaxe de envases de medicamentos, baleiros ou con restos, creceu en Galicia unha media do 4,21% no últimos cinco anos, segundo datos de SIGRE, entidade que se centra na reciclaxe e tratamento ambiental deste tipo de residuos.
Sobre a opinión dos galegos respecto deste tipo de reciclaxe, un 95% deles xa tomou conciencia diso e opina que non usar o Punto SIGRE para reciclar estes residuos é prexudicial para o medio ambiente e que tirar restos de medicamentos ao lixo ou polo desaugadoiro contamina as augas e dana os ecosistemas.
Estes datos fixéronse públicos ao cumprirse 18 anos desde que se comezaron a implantar os Puntos SIGRE nas farmacias de Galicia. En concreto, en 2018, a recollida media en Galicia situouse nos 119,28 gramos de envases baleiros ou con restos de medicamentos por habitante ao ano, superando en 15 puntos a recollida media por habitante ao ano alcanzada a nivel estatal.
Para Juan Carlos Mampaso, directo xeneral de SIGRE, "o dobre beneficio ambiental e socio-sanitario ligado á reciclaxe dos envases e restos de medicamentos tivo unha gran acollida en Galicia, ata o punto de ser a cuarta comunidade autónoma cuxos habitantes contribúen en maior medida á correcta reciclaxe destes residuos".
Na actualidade, as 1.333 farmacias existentes en Galicia dispoñen dun Punto SIGRE. Ademais, 15 almacéns da distribución farmacéutica, a través da denominada loxística inversa, encárganse de retirar estes residuos da farmacia e custodialos nos seus almacéns, en zonas habilitadas para o efecto, ata que son retirados polo xestor ambiental.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.